أعتذر بشدة لهذا الانقطاع الطوييييل بس ده لان ماكنش فيه كمبيوتر
السيد الكمبيوتر كان معتقل مع السيد الوالد
طبعا مارجعش (الكمبيوتر يعنى ) لكن بابا رجع الحمد لله
عموما وعسى ان تكرهوا شيئا وهو خير لكم ...... الكمبيوتر القديم كان حالته صعبه فلما اتاخد جيبنا واحد جديد
فى الفتره دى كتبت قصيدة لهذه المناسبه
نسيت اقول لكم ان بابا اعتقل بعد خطوبتى بحوالى ساعتين
هى دى الخطوبات و لا بلاش :)
اترككم مع القصيده
-------------------------------------------
اعتقالات ... ارهاب ... تفتيش
مش هنخاف غير م اللى خلقنا
مهما تزيدوا قوة و جبروت
برضوا هنهتف و نقول لأه
لا للظلم و للتخويف
لا للسرقة فى وسط العتمه
لا هنستسلم و لا نتراجع
احنا عرفنا طريق الجنة
لو هتحطوا قيود فى ايدينا
احنا قلوبنا هتفضل حرة
لو تزورونا فى نص الليل
او ترفعوا رشاش فى صدورنا
مش هنخاف و لا هنسلم
برضوا هنصمد ضد الهجمة
يا حكامنا الظلم ظلام
و يوم الحشر المولى حكمنا
هو العادل عمره ما يظلم
هو الحق و هو نصيرنا
ومهما يطول الظلم و يحكم
بكرة بلادنا ترجع حرة
بكرة الشمس تنور دارنا
بكرة سمانا تصبح صافية
20 comments:
حمدا لله على السلامة للمدونة يا قمر
والف مليون تريليون مبروووووووووك على
الخطوبة
رجوع بابا
الكمبيوتر
حمدا لله على السلامه يا قمر
ومبروك الف مره على عودة عمو وع الخطوبه والكمبيوتر الجديد
طب تصدقي والله لذيذه حكاية اللى حصل يوم الخطوبه....هتبقي ذكرى والله...حاجه كده جديده ومحصلتش...بس ربنا يعافينا جميعا :)
....ادعى بقي من دلوقتى ربنا يعديلك الفرح على خير :p
بهزر بهزر :))))
وحشتينى والله...اشوفك على خير ان شاء الله
بفكر اشارك من بدري بس خايف لاحسن يعتقلو المدونة المرادي : )
عودا ً حميدا ً ، ومبروك ع الخطوبة وابقى سلميني على خطيبك : )
نسيت اقولك الشعر جميل وقريته قبل كدا ... كتبتي شعر لليلة اياها ولا لا ؟
السلام عليكم
حبيبتى حور الجنه
الف حمد الله على السلامه لرجوع الوالد
والكمبيوتر
وحبيت اقولك هى دى الاشعار ولا بلاش الى بيطلع من القلب على طول ده هو المفيد
وربنا يسعدك دايما ويبعد عنك اى اذى
وخطوبه سعيده وعقبال الزفاف (ويارب سلم)
نصيحة صغنونة انا طبعا مقدر مشاعرك تجاه الوالد
بس رجاءءءءءءءءءءءءءءءءءءء بلاش شعر تانى
الف الف الف مبروك على الخطوبه وربنا يتمم على خير وحمد الله على سلامه بابا
وياستي رب ضاره نافعه
أفاطم
بنت ابيها
الله يسلمك يا سكرة
مبروك ليكى انتى كمان
حطم القيود
عقبالك .... تتخطبى طبعا مش حاجه تانى :)
منور يا فندم
هما ممكن يعتقلوا خطيبى بس لكن مش هيعتقولنى يعنى (:
بيسلم عليك جدااااا و بيقولك مش بيشوفك ليه من زمان (:
فتاة الجنة
عقبالك يا عسل
صحيح ... فين الاسطوانه هاتيها بدل ما ابلغ عنك انا سرى باتع (:
ابو حذيفة
اهلا بحضرتك
مينفعش يا فندم ده بيجرى فى دمى
فاطمة
اخيرا عرفتى تكتبى تعليق
عقبال ما افرح فيكى و اشوفك عروسه (:
حمد لله على السلامه
و ألف مبروك على الخطوبة
القصيدة جميلة كتيييييييييييير عجبتنى أوووى
أنا كمان بحب الشعر أوووووووووى
ماشاء الله
:)
كل عام وأنت بخير
بارك الله فيكي وحمدا لله علي سلامة الوالد في الذي لا اعرفه في الحقيقة ولكن من يكتب قلمها هذا اذن فقد عرفت والدها نحو الامام دائما الحق لايعود الابمثل هذا
قلم مسنون خيرا من سيفا مسلول
ابوفاطمة
حمدا لله على سلامتك اختي
مبروك على الخطوبة و مبروك على عودن والدك
قصيدة جميلة و كلمات اجمل
بارك الله فيكي اخيتي
الحمد لهل على سلامة الكمبيوتر
والوالد
كمان
اولا: حمدا لله على رجوع والدك بخير
وثانيا :اهلا بالكيبورد الجديد اللى خلاكى تكتبى قصيده جامده كده جميله اووى
ثالثا: ألفييييييييييييييين مبررررووووووك على الخطوووبه
(فكرانى ولا لأ)
؟؟؟؟؟؟؟
الف حمدالله على السلامة لبابا والحمد لله شدة وراحت
ومش تزعلى دى كده خطوبة مميزة جدا ومش تتنسى ابداااااا
لكلماتك جميلة وان شاء الله كل كلمة تحقق فيها
الظلم ملهوش رجلين وفى النهاية العدل هو اللى بيسود
كل عام وانتم إلى الله أقرب وعلى طاعته أدوم.. كل عام وأنتم بصحة كاملة وسلامة دائمة .. اللهم آمين..
حمدا لله على سلامة والدكم الذي هو من المؤكد والدنا ونسأل الله له دوام الصحة وأن يكون كل ما يفعلونه معه في ميزان حسناته ويرزقنا السير على دربه.. اللهم آمين
Post a Comment