ييييييييه ........... تااااااااج

تاج من حبيبة قلبى ... بنت أبيها
بسم الله
قالوا لك اختار عصر من عصور مصر علشان تعيش فيه تختار أى عصر وفى عهد أى حاكم .. واشمعنى ؟

اختار اعيش فى العصر اللى انا فيه دلوقتى لانى بحب الناس اللى انا عايشه معاهم و الناس اللى حواليا
فمش هاسيبهم و اروح عصر تانى

أول أولوية فى حياتك عيلتك ولا شغلك ولا اصحابك؟
ايه تانى بلد تتمنى تعيش فيها بعد مصر ؟؟
كل واحد ليه وقته

ايه أكتر حاجة بتحبها فى رمضان ؟

التهجد و قراءة القرآن

اوصف أجمل فطار ممكن تفطره؟
اول يوم لما العيله تتجمع
و مع اصحابى لما نعمل احنا الاكل

لو انت حاكم على مجموعة من الأفراد حتكون عادل ؟ طب حتتأكد أزاى انك حاكم عادل ؟؟
ان شاء الله
هاحكم بالشرع و الشورى و ربنا يعيننى

مين أكتر اعلامى مصرى بتحترمه ؟
مفيش

لو ممكن تشتغل شغلانة تانية كنت تتمنى تبقى ايه ؟؟
ممكن كاتبة

ايه تانى بلد تتمنى تعيش فيها بعد مصر ؟؟
الفردوس المفقود
او الاندلس
اسبانيا حاليا

اوصف ترتيبات اجمل فرح ممكن تحضره ؟
مش فى دماغى حاجه دلوقتى ... بس اكيد اجمل فرح لما يكون كل اللى بحبهم حواليا فى اليوم ده

بتراعى كلام الناس والقيل والقال ؟؟ ولو اه او لا قول ليه ؟
لأ طبعا .... عشان انا ماشيه على المثل بتاعى اللى بيقول
" كل اللى يعجبك و البس اللى يعجبك "

صحيت من النوم ملقتش الموبايل ولا الكمبيوتر ولا الكاميرا الديجيتال ورجعنا لعصر الحمام الزاجل والحصنة هتكون سعيد ؟
ممكن ... اكيد هتبقى تجربة ظريفة بس لو طولت مش عارفه هاعمل ايه

السعادة هى ..؟
فى شعر د : يوسف القرضاوى بيقول فيه
إن السعادة أن تعيش .... لفكرة الحق التليد
لعقيدة كبرى تحل ....قضية الكون العتيد
و تجيب عما يسأل الحيــــــران فى وعى رشيد

عندك أمل ؟ اسبابك ؟

طبعا
فى بيت شعر بيقول
و حبوب سنبلة تموت .... ستملأ الوادى سنابل

ده بيدينى احساس عالى بالامل

لما بتحب تهرب من كل شئ بتروح فين ؟؟
ادخل اوضتى و اقفل الباب و النور و افتح الشباك و ابص للسما
بارتاح جدااااا لما اعمل كده

امتى اول مرة خدت فيها نفس طويل وقلت ياااه انا فعلا كبرت ؟؟
لما بابا كلمنى فى موضوع الزواج .. بس انا لسه بعتبر نفسى صغنونة

بتشرب سجاير ؟؟ وايه شعورك اما ست او راجل بيشرب سجاير ؟ ليه ؟
لأ الحمد لله
بتضايق كده و باحس بالقرف
ربنا يعافينا و يهدى اللى بيشربها

بتعرف ايدك اليمين من الشمال ازاى ؟؟
بابص على ايديا عشان اعرف افرق ... لانى شوله فبلغبط اللى يسألنى عن الاتجاهات

ايه اكتر الة موسيقية بتحبها ؟
معرفش فى الآلات .. بس عموما بحب الموسيقى الهاديه الرقيقه

فى رأيك ليه الذوق والنخوة اتعدموا ؟
من ذنوبنا

ايه الحاجة اللى لو حصلت لك حتبقى سعيد اوى ؟
لسه ما حصلتش ... ما تحصل ابقى اقولك ... ادعيلى بقى

تحب يبقى عندك ارض زراعية ولااجنس عربيات ولاكام عمارة ولافلوس فى البنك ؟
مش عايزة حاجه من دول .... بس بجد نفسى فى عربيه

البحر ولا النيل ؟
كل واحد ليه سحره الخاص
بس بيكون رائع و قت الغروب بالذات

مركب ولا طيارة ؟
الاتنين

مجنون ولا عاقل ؟
انا بحب التصرفات المجنونة
بس العقل زينه برضوا

تقرا كتاب ولا تتفرج على فيلم ؟
حسب الموضوع
بس انا بحب القراءة اكتر

تمرر التاج ده لمين ؟

الحمد لله......... اخيرا
نمرره ل

كده و بتاع

بحلم

ايه اللى بيحصل

هاعيش و اتحدى احزانى

اسخر

عصفور المدينة