تاج من بنات افكارى
----------------
اسم مدونتك؟
حور الجنة
لماذا اخترته ..وماهي نيتك من وراء اختياره؟
مش عارفة بالظبط .... بس انا بحب اسم حور جدااا
هل فكرت في إغلاق مدونتك؟ والسبب؟
اه .. فكرت
حسيت انى مش هاضيف حاجه مفيدة وانى مش هاقدر اهتم بيها كويس
صورتك في المدونة ورمزيتها ؟؟
مفيش صورة
لماذا دخلت عالم التدوين من الاساس؟
مش عارف... انا لما عملت المدونة ما كنتش قاصدة اعملها
انا كنت باقرأ فى مدونة فضغطت خطأ على بالماوس ولاقيت موقع بلوجر فتح
فقلت اجرب امشى ع الخطوات واشوف هاعرف و لا لأ ... فعرفت
جمله قيلت لك فى وصف مدونتك؟
مفيش
التعليقات بالنسبه لك ,اهميتها؟
مهمة طبعا...... عشان اقيم اللى باكتبه
ونتعلم الحوار
احلى بوست كتبته ...ضع اللينك , ثم اذكر لماذا؟
بما ان كل اللى كتبته حتى الآن شعر
فاكتر قصيدة بحبها بتاع رثاء جدو
مش مهم اللينك .... انزلى شويه هتلاقيها
أفضل بوست قرأته؟ وضع لينكه؟
كتييييييير
لينك مين انا تعبت
أفضل مدونة قرأتها؟
مفيش مدونة اقدر اقول انها الافضل
كل مدونة محترمة بيكون فيها موضوعات جميلة
حد قل أدبه فى التعليق إيه رد فعلك؟
مفيش....... الحمد لله
أسوأ بوست أسوأ مدون؟؟
ما شوفتش
هيحصل ايه لإيميلك لما تموت ؟؟
هيموت معايا
اديت الباسورد لمين؟
مش لحد
كانت إيه طبيعة علاقتك بيه؟
هو مين
اسمك؟
بلاش
المشهور بيه وسط اصحابك؟
طبعا مش هاقول
رخمة انا ....صح
شخصيتك نوعها إيه؟
و الله اصحابى بيقولوا انى صريحة زيادة عن اللزوم ومش بخاف على زعل حد طالما ما غلطتش ودماغى ناشفة و رايقة جدااا
وحاجات تانيه .. مش مهم دلوقتى ... بس الحاجة الاكيدة ان اللى بيشوفنى لاول مرة مش بيصدق اللى بيتقال عليا
السفر بالنسبة لك؟
بحبه جدااااا خصوصا بالليل
و الحمد لله بابا لففنا مصر كلها
واكتر مكانين عجبونى .الاقصر و رفح
وقت فراغك بتعمل فيه إيه؟
تقريبا مفيش .... بس لو فى بحب اقعد افكر
المود بتاعك؟
فى معظم الاوقات بكون كوووول بطريقة تفرس
خصوصا لما يكون اللى بكلمه متنرفز
الصفات اللي أخدتها من بابا؟
حب الحوار ... عاقلة...الملامح...وحاجات تانى
الصفات التي أخدتها من ماما ؟
مش عارف ....بس تقريبا انى باقول الحق ايا كان اللى بكلمه
اكتر ست حاجات بكرهها؟
الظلم .. الظلم ..الظلم..الظلم..الظلم..الظلم
اكتر ست حاجات بحبها؟
الحرية .. الحرية..الحرية..الحرية..الحرية..الحرية
الانترنت بالنسبه لك؟
سلاح ذو حدين
اكلتك المفضلة؟
مش بحب الاكل ..... بس بحب الحلويات
خصوصا الكنافة بتاع عمتى و الجلاش اللى انا باعمله
الشغل بيمثلك ايه؟
انا لسه طالبه....مش بشتغل
امرره لمين ؟
5 comments:
مدونة طيبة جدا
وإجابات طيبة على التاج
تقبل الله منكم
إجابات موفقه و شكراً للتمرير
ردود في الصميم
وفقكي الله
جميل ... اتمنى تحطي سياسة للمدونة واهداف تمشى عليها علشان تضيف جديد في عالم التدوين وجوزيتم على التمرير
خبيب
جزاك الله خيرا
ايه اللى بيحصل ؟؟
العفو يا فندم
اخت مسلمة اهلا بيكى ... نورتى المدونة
كده وبتاع
جزاك الله خيرا على التذكرة
بس انا الى حد ما ماشيه على سياسة معينة ، يعنى باذن الله معظم المدونة هيكون زى ديوان كده للشعر اللى بكتبه( ولو انه مش قد كده )
و لو فيه حدث جارى او مناسبه انا ليا تعليق عليها ممكن اكتب فيها
و اى خدمة يا فندم
Post a Comment